AFFA İntizam Komitəsi "Qəbələ"nin hücumçusu Ülvi İsgəndərovu iki oyunluq cəzalandırıb.
Buna onun Azərbaycan Premyer Liqasının II turunda "Araz-Naxçıvan"la matçda (0:2) təcavüzkar davranışa görə birbaşa qırmızı vərəqə alması səbəb olub.
"Qırmızı-qaralar" 2000 manat cərimələnib. Həmin pul Ülvinin öz maaşından tutulacaq.
Bu barədə saytımıza komandanın baş məşqçisi Elmar Baxşıyev məlumat verib. O, forvardın klubun daxili intizam kodeksinə əsasən cəzalandırılacağını söyləyib.
SPORTİNFO.AZ
