Yeni mövsümə uğursuz start verən «Qəbələ» hücumçu axtarışındadır.
Kipr «Omoniya»ına hər iki oyunda uduzaraq Konfrans Liqası ilə ilkin mərhələdə vidalaşan, Premyer Liqanın ilk 2 turunda məğlubiyyətə uğrayan «qırmızı-qaralar» hazırda bu mövqeyə bir neçə legionerlə danışıqlar aparır.
Bu haqda Sportinfo.az-a komandanın baş məşqçisi Elmar Baxşıyev məlumat verib:
«Bizə hücumçu lazım olduğunu rəhbərliyə demişəm. İki aydır axtarışdayıq. Namizədlərimiz var. Hələ razılaşma yoxdur, gözləyirik».
Ölkə kubokunun sahibi bu yay 8 yeni adı düşərgəsinə qatıb.
Ahmed Ayzaya, Zurab Oçiqava, Lukas Afriko, Gilad Avramov, Osama Xalayla, Rauf Hüseynli, Bilel Auaşeriya, Rəşad Əzizli komandaya qoşulan simalardır.
