Kipr "Omoniya"sının iki futbolçusu Azərbaycanda "Qəbələ"yə qarşı keçiriləcək Konfrans Liqasının II təsnifat mərhələsinin ilk oyununu buraxacaq.
Sportinfo.az xəbər verir ki, zədəsini yenicə sağaldan müdafiəçilər Paris Psaltis və Nikolas Panayotu bərpa dövrü keçdikləri üçün "qırmızı-qaralar"la səfər matçında iştirak etməyəcəklər.
Sözügedən oyunçuların cavab qarşılaşmasında da meydana çıxmaları sual altındadır.
"Qəbələ" "Omoniya"ya qarşı ilk oyununu iyulun 27-də evdə, cavab görüşünü isə 1 həftə sonra səfərdə keçirəcək.
