“Omoniya”nın futbolçusu Nikolas Panagiotu Konfrans Liqasının II təsnifat mərhələsində “Qəbələ” ilə keçiriləcək oyuna görə Superkubok matçında iştirak etməyib.
Sportinfo.az xəbər verir ki, müdafiəçi “Aris”ə 0:2 hesabı ilə məğlub olduqları görüşdə ehtiyatda qalıb.
Baş məşqçi Sofronis Avqusti 23 yaşlı oyunçunu “Qəbələ” ilə qarşılaşmaya saxladığını etiraf edib. Lakin Kipr millisinin üzvünün “qırmızı-qaralar”la görüşdə də iştirakı sual altındadır.
Çünki Panagiotu əməliyyatdan sonra hələ də oyunlarda meydana çıxmayıb. Mütəxəssis onunla bağlı qərarı oyun günü verəcəyini söyləyib.
“Qəbələ” ilə “Omoniya” arasında ilk oyun iyulun 27-də Qəbələdə, cavab matçı isə avqustun 3-də Nikosiyada keçiriləcək.
