"Qəbələ"dən ayrılan İsnik Alimi özünə yeni komanda tapıb.
Şimali makedoniyalı Rumıniyada oynayacaq.
Son iki mövsümü Azərbaycanda keçirmiş yarımmüdafiəçi bu ölkənin iddialı klublarından olan "Sepsi" ilə anlaşıb.
29 yaşlı balkanlı 2021-ci ildən "Qəbələ”də çıxış edirdi. İsnik Alimi ötən mövsüm Premyer Liqada 34 oyun keçirib, 9 qol vurub.
Alimi Sportinfo.az-a açıqlamasında Şimali Makedoniya mətbuatının onun Azərbaycandakı çıxışıyla daim maraqlandığını bildirib:
“Burada titullar qazanan makedoniyalı futbolçular var ki, onlar da çempionat haqda soruşurlar. Soruşan hər kəsə Azərbaycan haqda xoş sözlər deyirəm.
Çünki ölkənizdə futbol günü-gündən inkişaf edir. Çox istərdim ki, Azərbaycanda daha bir neçə il qalım.
Təəssüf ki, şərtlər və istəklər üst-üstə düşmədi. Artıq Rumıniyada mənim üçün hər şey yenidən başlayır”.
