Azərbaycanı Konfrans Liqasında təmsil edəcək "Qəbələ"də növbəti ayrılıq gerçəkləşib.
Sportinfo.az xəbər verir ki, Felipe Santos "qırmızı-qaralar"ı tərk edib.
Braziliyalı vinger bu barədə sosial şəbəkə hesabında paylaşım edib:
"Azərbaycan macəram başa çatdı. İki mövsümü inanılmaz keçirdim.
Ötən mövsüm 13 qol, 20 məhsuldar ötürmə ilə oynadım, ölkə kubokunun qızıl medalını qazandım".
Felipe Santos 2022-ci ilin yayından "Qəbələ"də çıxış edirdi. 26 yaşlı futbolçu bölgə klubunun heyətində meydana çıxdığı 43 rəsmi matçda 6 qol və 15 məhsuldar ötürmə ilə yadda qalıb.
O, ölkəmizdə daha əvvəl "Şamaxı"da da oynayıb.
