Ölkəmizi Avropa Konfrans Liqasında təmsil edəcək “Qəbələ”nin yay hazırlıq planına aydınlıq gəlib.
"Qırmızı-qaralar” iyunun 23-də doğma şəhərdə bir araya gələcək.
Qəbələdə nəzərdə tutulan toplanış iki həftəni əhatə edəcək. İlkin mərhələdə məqsəd istirahət dönəmindən sonra fiziki durumu qaydasına salmaq, taktiki-texniki təmrinlər üzərində çalışmaqdır.
İki həftəlik proses başa çatandan sonra komanda üzvlərinə 2-3 günlük dincəlmək imkanı yaradılacaq. Ardınca Türkiyə toplanışına start veriləcək.
“Qəbələ” iyulun 10-na kimi Bakıdan Boluya yollanıb, 10 gün ərzində orada qalacaq.
Bu müddətdə 2-3 yoldaşlıq görüşünün keçirilməsi planlaşdırılır. Lakin hələ ki, matçların keçiriləcəyi tarixlərə və rəqiblərin adına aydınlıq gəlməyib.
HƏBİB / SPORTİNFO.AZ
