.jpg)
İyunun 3-də ölkə kubokunun final qarşılaşması baş tutacaq.
Şənbə gününə sayılı günlər qalmasına baxmayaraq, artıq hər iki klub təbliğat yönündə müxtəlif işlər görməyə başlayıb.
Məqsəd “Bakcell Arena”nı doldurmaq, meydanda mübarizə aparacaq futbolçuları azarkeş dəstəyini hiss etdirməkdir.
Sosial media səhifələrində kreativ paylaşımları ilə diqqət çəkən bölgə təmsilçisi bu dəfə hazırladığı video ilə “doqquzluğa vurub”.
“Qəbələ”nin SMM qrupu komandanın vaxtilə Avropa Liqasındakı ev oyunlarını “Bakcell Arena”da keçirdiyini diqqətə çatdıraraq, “Lill” üzərindəki qələbəni, həmçinin iki dəfə qrup mərhələsinə vəsiqə qazanmağı xatırladıb.
Bununla da, sözügedən stadionun “qırmızı-qaralar” üçün düşərli olduğuna işarə verib.
Videonun sonunda isə “Neftçi”ylə illər öncə “Bakcell Arena”da keçirilən və qonaqların 3:2 hesabı ilə qalib gəldiyi oyundan fraqmentlər yer alıb.
“Neftçi”nin “Qəbələ”nin məlum “atəş”inə necə cavab verəcəyi maraqla gözlənilir.
İyunun 3-də baş tutacaq “Neftçi” – “Qəbələ” oyunu saat 20:00-da başlayacaq.
HƏBİB / SPORTİNFO.AZ
VİDEONU BU LINKƏ DAXİL OLARAQ İZLƏYİN:
