"Hədəfimizə çatmaq üçün daha da inkişaf etməliyik" - Elmar Baxşıyev

17 Mart 2023 19:50 Qəbələ 409
"Hədəfimizə çatmaq üçün daha da inkişaf etməliyik" - Elmar Baxşıyev

"Qəbələ" Azərbaycan Premyer Liqasının 27-ci turunda doğma meydanda "Şamaxı"nı 2:0 hesabı ilə məğlub edib.

Sportinfo.az xəbər verir ki, matçdan sonra təşkil olunan mətbuat konfransında "qırmızı-qaralar"ın baş məşqçisi Elmar Baxşıyev sualları cavablandırıb:

- Dinamik oyun alındı. "Şamaxı" yaxşı işlər görür. Cavid Hüseynovla Vüqar Əsgərliyə alqış düşür. Öz komandama gəlincə, futbolçular istədiyimi meydanda etməyə çalışdırlar. Daim topa nəzarət etmək və hücumda çoxalmaq istəyirdik. Bunu da meydanda gördük. Hədəfimizə çatmaq üçün daha da inkişaf etməliyik.

- Əyyub Allaşın oyununu necə dəyərləndirirsiz?

- Universal futbolçudur. 3 mövqedə oynaya bilir. Qollar vurmağı xoşdur. Komandanın oyun üslubunu yavaş-yavaş anlayır. Qarşıdakı matçlarda daha da yaxşı olacaq.

Digər Xəbərlər
Xəbər Lenti