Yeni mövsümə hazırlığı davam etdirən “Qəbələ” növbəti yoxlama oyununu keçirib.
Sportinfo.az xəbər verir ki, “qırmızı-qaralar” Qəbələ şəhər stadionunda təşkil olunan təlim-məşq toplanışı çərçivəsində ikinci matçına çıxıb.
Kaxaber Tsxadadzenin yetirmələri “Zaqatala” ilə görüşüb. Qəbələ şəhər stadionunda baş tutan görüşdə hesab ilk yarıda açılıb. Abdullahi Şaybu “Qəbələ”nin ilk qolunun müəllifi olub.
“Qırmızı-qaralar” ikinci hissədə daha bir dəfə fərqlənib. Bu dəfə Laurent Mendi rəqib qapısına yol tapıb. Beləliklə, "Qəbələ" yoxlama oyununda 2:0 hesablı qələbə qazanıb.
“Qəbələ” ilk yoxlama oyununda Küveytin "Əl-Yarmuk" klubu ilə qarşılaşıb. Görüş 2:2 hesablı heç-heçə ilə başa çatıb.
