“İndiki vəziyyətdə pul barədə ümumiyyətlə danışmaq istəmirəm”.
Bu sözləri Sportinfo.az-a açıqlamasında “Qəbələ”nin baş məşqçisi Kaxaber Sxadadze deyib,
Gürcü çalışdırıcı əyalət klubuna gələndə məşqçilik karyerasının ən az maaşını alacağını demişdi. Yəqin ki, aşağı dəstədə ötən mövsümdəkindən də az qazanacaq.
Onu dinləyək:
“Vəziyyət göz önündədir, komanda I Liqada mübarizə aparacaq. Hansı puldan, maaşdan danışa bilərik?
I Liqada çalışmağa qərar vermişəmsə, deməli, bütün çətinlikləri göz önünə almışam.
Sualınıza qısa cavab verim, bəzən önə doğru iki addım atmazdan öncə geriyə bir addım atmağı bacarmalısan, vəssalam!”.
