Premyer Liqanın 11-ci turunun hazırda davam edən "Keşlə" - "Neftçi" oyununda xoşagəlməz hadisə yaşanıb.
Sportinfo.az-ın Bayıl stadionunda olan əməkdaşı xəbər verir ki, "ağ-qaralar"ın yarımmüdafiəçisi Rəhman Hacıyev 61-ci dəqiqədə əvəzlənərkən baş məşqçinin qərarına etiraz edib. 26 yaşlı futbolçu meydandan çıxan kimi formasını əynindən çıxararaq əsəbi şəkildə yerə çırpıb.