Peşəkar Futbol Liqasında (PFL) növbəti prezident seçkiləri avqust ayı ərzində reallaşacaq.
Sportinfo.az xəbər verir ki, qurumun Mətbuat və İctimaiyyətlə Əlaqələr Departamentinin rəhbəri Aslan Şahgəldiyev futbolinfo.az-a açıqlamasında bu barədə düşündüklərini bildirib.
Koronavirus pandemiyası üzündən gecikən seçkilər daha ertələnməyəcək. Vəziyyətdən asılı olaraq, tarix müəyyənləşəcək və seçki reallaşacaq. Amma istənilən halda, bu, avqust ayı ərzində olacaq.
Musayevin 4 illik prezidentlik müddəti iyulun 5-də başa çatıb. 2016-cı ildə quruma 3-cü dəfə rəhbər seçilmiş Ramin bəy PFL yarandığı gündən (2008-ci il) bu postdadı. Seçkidə ona alternativin olub-olmayacağı bəlli deyil. Yəqin ki, seçkinin tarixi açıqlandıqdan sonra bunu da biləcəyik.
