Qadın voleybolçulardan ibarət Azərbaycan millisi Türkiyənin Konya şəhərində təşkil olunan V İslam Həmrəyliyi Oyunlarında növbəti qələbəsini qazanıb.
Sportinfo.az xəbər verir ki, Eldar Yusubovun rəhbərlik etdiyi yığma B qrupundakı son matçında Kameruna 3:1 hesabla qalib gələrək yarımfinala yüksəlib.
Azərbaycan millisi qrupda 8 xal toplayaraq lider olub. Millinin yarımfinaldakı rəqibi A qrupunun ikincisi (meydan sahibi Türkiyə və ya İran) olacaq. Yarımfinallar avqustun 14-də keçiriləcək.
Azərbaycanın qadın voleybol yığması daha əvvəl Seneqal və Əfqanıstana 3:0 hesabı ilə qalib gəlmişdi.