"Neftçi"nin futbolçusu mənimsəmədə günahlandırılır - Çoxlu əmlakın

10 Dekabr 2020 22:40 Qalmaqal 1 502
"Neftçi"nin futbolçusu mənimsəmədə günahlandırılır - Çoxlu əmlakın

"Dinamo" idman cəmiyyətinin Moskva şöbəsinin keçmiş birinci müavini Vladimir Mixalevski İspaniyadan Rusiyaya ekstradisiya edilib.

Sportinfo.az xəbər verir ki, bu barədə Rusiya Baş Prokurorluğu məlumat yayıb.

Veteran futbolçu böyük miqdarda əmlakın mənimsənilməsində günahlandırılır. Rusiya Federasiyası Cinayət Məcəlləsinin 160-cı maddəsinin 4-cü bəndinə əsasən, bu norma üzrə maksimum cəza 10 ilədək həbsdir.

İstintaq şöbəsi onun idman cəmiyyətinə 21 milyon rubldan çox ziyan vurduğunu iddia edir. Amma cinayətin törədildiyi vaxt bildirilmir. Mixalevskinin günahını qəbul edib-etmədiyi də hələ dəqiqləşdirilməyib.

2019-cu ilin dekabrında axtarışa verilmiş keçmiş müdafiəçi İspaniyada ələ keçirilib. 2020-ci ilin oktyabrında İspaniya tərəfi Rusiya Baş Prokurorluğunun ekstradisiya tələbini təmin edib.

Mixalevski yaxın vaxtlarda Federal Penitensiar Xidmətin və İnterpolun Rusiya Bürosunun əməkdaşlarının müşayiəti ilə Moskvaya gətiriləcək.

Vladimir Mixalevski futbolçu karyerası ərzində Ukraynanın "SK Odessa", həmçinin Azərbaycanda "Neftçi" və "Gənclik" komandalarının formasını geyinib.

"Ağ-qaralar"ın heyətində SSRİ çempionatında 185 oyun keçirmiş müdafiəçi 4 qol vurub.

Digər Xəbərlər
Xəbər Lenti
27 Noyabr 03:00 AFFA-nın yeni qərarları
27 Noyabr 02:30 Koronavirusun yeni ştamı
27 Noyabr 01:10 4 cavabsız qol - VİDEO