Azərbaycanlı FIFA referisi Əliyar Ağayev Avropa Liqasının qrup mərhələsi çərçivəsində keçirilən "Dinamo" (Ukrayna) - "Luqano" (İsveçrə) görüşünü idarə edib.
Sportinfo.az xəbər verir ki, qarşılaşma 1:1 hesabı ilə başa çatıb. Evdə autsayderə qalib gələ bilməyən Kiyev təmsilçisi qrupda qalıb.
Görüş ərzində 4 dəfə - 17, 67, 79 və 90-cı dəqiqələrdə əlini cibinə atan Ağayev bütün sarı vərəqələri qonaq komandanın futbolçularına göstərib.
Qeyd edək ki, Kiyevdəki Olimpiya stadionunda keçirilən matçda Əliyara Zeynal Zeynalov və Akif Əmirəli kömək ediblər. 4-cü hakim funksiyasını isə Orxan Məmmədov yerinə yetirib.