Avropa Liqasının qrup mərhələsinin sonuncu - VI turunda keçiriləcək "Qarabağ" - "Düdelanj" oyununa təyinatlar açıqlanıb.
Sportinfo.az UEFA-nın rəsmi saytına istinadən xəbər verir ki, formal xarakterli qarşılaşma estoniyalı hakimlər briqadasına tapşırılıb.
Görüşün baş hakimi Kristo Tohver olacaq. Ona laysmanlar - Silver Koiv və Sten Klaasen köməklik edəcəklər. Dördüncü hakim funksiyasını isə Yuri Frişer yerinə yetirəcək.
Qeyd edək ki, dekabrın 12-də Tofiq Bəhramov adına Respublika stadionunda keçiriləcək oyun 21:55-də başlayacaq.
