.jpg)
"Qarabağ"ın yarımmüdafiəçisi Qara Qarayev bu gün Avropa Liqasının beşinci turu çərçivəsində "Sevilya"ya qarşı keçiriləcək görüşlə bağlı fikirlərini bildirib.
Sportinfo.az-a açıqlama verən futbolçu Ispaniyada nəticə qazana biləcəklərinə inandığını bildirib:
"Sevilya"nın güclü komanda olduğunu hamımız bilirik. Onların fərdi ustalığı yüksək olan oyunçuları var. Təbii ki, çətin olacaq. Bu, məlum məsələdir. Amma biz də bura məqsədlərimiz üçün gəlmişik. Çalışacağıq ki, ən azından bir xal qazanıb vətənə dönək. Çətin görünə bilər. Amma inanırıq ki, istədiyimiz oyunu göstərə bilsək, nəticə əldə edə bilərik".
