"Bizim üçün hər oyun vacibdir. Düzdür, bu matçda favorit deyilik. Amma bu, o demək deyil ki, oyunu asanlıqla "Qarabağ"a verəcəyik".
Sportinfo.az xəbər verir ki, bu sözləri "Düdelanj"ın kapitanı Conatan Jüber Avropa Liqasının qrup mərhələsinin II turunun "Qarabağ"la oyunu öncəsi keçirilən mətbuat konfransında deyib. 40 yaşlı qolkiper əsas hədəflərinin avrokuboklar deyil, Lüksemburq çempionatı olduğunu bildirib:
"Əlbəttə, Avroliqa oyunu önəmlidir. Amma əsas prioritetimiz yerli çempionatdır. Rəqabətdə geri qaldığımızı unutmamlıyıq. "Qarabağ"la matçda yaxşı nəticə qazansaq, həftəsonu inamlı çıxış edə bilərik".
