"Çempionat matçlarını da oynamalı olduğumuzu başa düşürük. Çox oyunumuzun təxirə salınmasını istəmirik".
Sportinfo.az "BBC"yə istinadən xəbər verir ki, bu sözləri "Qarabağ"ın Avropa liqasının pley-off mərhələsindəki rəqibi "Linfild"in baş məşqçisi Devid Hili Şimali İrlandiya çempionatının 3-cü turunun "Kolreyn"lə oyunundan sonra keçirilən mətbuat konfransında deyib.
2:4 hesablı məğlubiyyəti şərh edən mütəxəssis avqustun 22-də "Qarabağ"la oynayacaqları görüşə də toxunub: "Artıq bu matçı unutmalıyıq. Qarşıda "Qarabağ"la vacib qarşılaşma var. Gələn həftə bəlkə də klub tariximizin ən böyük oyununa çıxacağıq".
"Linfild" - "Qarabağ" oyunu Bakı vaxtı ilə 22:45-də başlayacaq. Komandalar arasında cavab görüşü isə avqustun 29-da olacaq.
