“Qarabağ”ın Avropa Liqasının pley-off mərhələsində "Linfild"lə keçirəcəyi oyunların vaxtı müəyyənləşib.
Sportinfo.az xəbər verir ki, Şimali İrlandiya klubu ilə görüşlərin başlama saatı açıqlanıb.
Qrupa düşmək uğrunda ilk görüş avqustun 22-də Belfastda keçiriləcək. “Vindsor Park”da baş tutacaq qarşılaşma Bakı vaxtı ilə 22:45-də başlayacaq.
Avqustun 29-da Bakıda baş tutacaq matç isə saat 20:00-da başlayacaq və Tofiq Bəhramov adına Respublika stadionunda keçiriləcək.
