UEFA Tbilisi "Dinamo"sunu cəzalandırıb.
Sportinfo.az qurumun rəsmi saytına istinadən xəbər verir ki, buna gürcü klubunun azarkeşlərinin Avropa Liqasının 2-ci təsnifat mərhələsinin "Qəbələ" ilə ev oyununda təmsilçimizin heyətində meydana çıxan qaradərili futbolçulara qarşı irqçi şüarlar səsləndirməsi səbəb olub. Baş verənlərə hüquqi qiymət verən UEFA-nın Nizam-İntizam Komitəsi "Dinamo"nu 50 min avro məbləğində cərimələyib.
"Qəbələ" hər iki oyunda (0:2, 0:3) "Dinamo"ya uduzaraq, Avroliqada mübarizəni dayandırıb.
