“Qəbələ” Avropa Liqasının 2-ci təsnifat mərhələsi çərçivəsində Gürcüstanda Tiflis “Dinamo”suna qarşı cavab qarşılaşmasında ciddi itki ilə üzləşib.
Sportinfo.az xəbər verir ki, qarşılaşmanın 37-ci dəqiqəsində Rasim Ramaldanov komanda yoldaşı İvitsa Zuniçlə kəllə-kəlləyə toqquşub.
Nəticədə Zuniç meydanı xərəkdə tərk etməli olub. Daha sonra o, təcili yardım maşınına mindirilərək xəstəxanaya aparılıb.
Xorvatiyalı legioneri 40-cı dəqiqədə Sadiq Quliyev əvəzləyib. Həkimlərin ilkin rəyinə əsasən, Zuniçin almacıq sümüyü qırılıb.
