Avropa Liqasında 2-ci təsnifat mərhələsinin ilk oyunları keçirilir.
Sportinfo.az xəbər verir ki, Azərbaycan millisinin sabiq hücumçusu Vüqar Əsgərovun formasını geyindiyi Latviya “Liepaya”sı bu turnirdə növbəti matçına çıxıb.
Sözügedən kollektiv İsveçdə “Norçöpinq” ilə üz-üzə gəlib. “Bakı”nın sabiq baş məşqçisi Aleksandr Starkovun çalışdırdığı futbolçumuzun komandası bu oyundan məğlubiyyətlə ayrılıb – 0:2.
Vüqar bu görüşün iştirakçısı olmayıb. Starkov millimizin sabiq forvardını sonadək ehtiyatda saxlayıb.
Bu komandalar arasındakı cavab qarşılaşması bir həftə sonra Latviyada baş tutacaq.
