Avropa Liqasında 1-ci təsnifat mərhələsinin cavab oyunları keçirilir.
Sportinfo.az xəbər verir ki, Azərbaycan millisinin sabiq hücumçusu Vüqar Əsgərovun formasını geyindiyi “Liepaya” bu turnirdə növbəti matçına çıxıb.
Sözügedən kollektiv səfərdə “Dinamo” (Minsk) ilə üz-üzə gəlib. “Bakı”nın sabiq baş məşqçisi Aleksandr Starkovun çalışdırdığı futbolçumuzun komandası bu rəqiblə oyundan heç-heçə ilə ayrılmışdı – 1:1.
Cavab görüşündə isə 2:1 hesablı qələbəyə sevinən “Lieapaya” növbəti mərhələyə adlayıb.
Vüqar da bu görüşün iştirakçısı olub. Starkov millimizin sabiq forvardını 77-ci dəqiqədə meydana buraxıb.
Əsgərovun komandası 2-ci təsnifat mərhələsində İsveçin “Norçöpinq” klubu ilə qarşılaşacaq. İlk oyunu səfərdə keçirəcək “Liepaya”nın cavab matçı evdə olacaq.
