Avropa Liqasının 1-ci təsnifat mərhələsi çərçivəsində Moldova “Speranta”sına iki oyunun nəticəsinə görə 9:0 üstələyən (ilk oyun 3:0, cavab matçı 6:0) “Neftçi” növbəti mərhələyə vəsiqə qazandı.
Sportinfo.az xəbər verir ki, artıq Azərbaycan təmsilçisinin növbəti rəqibi də bəllidi.
Belə ki, “ağ-qaralar" 2-ci təsnifat mərhələsində "Arsenal" (Tula) ilə qarşılaşacaq.
Bu rəqiblə ilk oyun iyulun 25-də Tulada, cavab görüşü isə avqustun 1-də Bakıda baş tutacaq.
Tuladakı qarşılaşmaya yerli vaxtla saat 20:00-da (Bakı vaxtı ilə saat 21:00) start veriləcəyi bəllidi.
Bu barədə "Arsenal"ın rəsmi saytı məlumat yayıb. Cavab qarşılaşması da böyük ehtimalla 21:00-da start götürəcək. Amma bu, hələ rəsmi olaraq açıqlanmayıb.
