“Səbail” Avropa Liqasının I təsnifat mərhələsində “Universitatya”la ilə cavab oyunu üçün Rumıniyaya yola düşüb.
Sportinfo.az xəbər verir ki, paytaxt təmsilçisi saat 12:15-də Heydər Əliyev Beynəlxalq Aeroportundan Bakı-İstanbul-Buxarest reysi ilə səfərə çıxıb.
“Dənizçilər” Buxarestdən “Universitatya”nın təmsil etdiyi Krayova şəhərinə avtobusla yola düşəcəklər.
Heyət mənzil başına axşam saatlarında çatacaq. İyulun 17-də isə komandanın matçöncəsi məşqi olacaq.
İyulun 18-də Krayovadakı “İon Oblemenko” stadionunda keçiriləcək görüş Bakı vaxtı ilə saat 20:00-da başlanacaq. Bakıda baş tutan ilk matçda rumınlar 3:2 hesabı ilə qalib gəliblər.
