“Neftçi”nin Avropa Liqasının ilk oyunu üçün səfər proqramı bəllidi.
Sportinfo.az xəbər verir ki, I təsnifat mərhələsində Moldova “Sperantsa”sı ilə oynayacaq bakılılar səfərə iyulun 9-da çıxacaq.
İyulun 11-də Kişinyovdakı "Zimbru" stadionunda baş tutacaq matçın ertəsi vətənə dönəcək komanda, cavab matçına Bakıda hazırlaşacaq.
Cütün taleyini həll edəcək qarşılaşma ayın 18-də, 8-ci kilometr stadionunda reallaşacaq.
Nisporenı klubunun rəhbərliyi öncədən görüş üçün Orgeyevdəki idman kompleksini sifariş etmişdi.
Lakin Moldovanın digər təmsilçisi "Petrokub"un ilk görüşünü səfərdə keçirməsinə dair UEFA-nın qərarından sonra "Sperantsa" paytaxt stadionunda oynamağa qərar verib.
“Neftçi” oyunadək Kişinyovda məskən salacaq. Bakılılar “Radisson Blu Leogrand Hotel”i seçib.
