Avropa Liqasının 1/4 finalında keçiriləcək “Lion” - “Beşiktaş” qarşılaşmasına böyük maraq var. Sportinfo.az xəbər verir ki, Fransada keçiriləcək ilk oyuna türk azarkeşlərin axını gözlənilir. Bu barədə məlumatı “L`Equipe” nəşri yayıb.
Nəşrin iddiasına görə, Liondakı oyuna 15 min türk azarkeş gələcək. Qarşılaşmaya İstanbuldan xeyli azarkeşin gələcəyi bildirilsə də, Fransada yaşayan türklərin də oyuna maraq göstərdiyi deyilir. “Lion” - “Beşiktaş” oyunu aprelin 13-də keçiriləcək.
