"Yaxşı kollektivimiz və futbolçularımız var".
Sportinfo.az xəbər verir ki, bunu "Səbail"in müdafiəçisi Eltun Yaqublu deyib.
Kapitan klubun rəsmi saytına açıqlamasında Avropa Liqasının I təsnifat mərhələsindəki şanslarını dəyərləndirib.
Yaqublu Rumıniya təmsilçisi "Universitatya Krayova"nı üstələyəcəklərinə inandığını bildirib: "Rəqibin necə təcrübəli komanda olduğunu bilirik.
Qələbə qazanmaq üçün bütün gücümüzlə oynayacağıq. İnanırıq ki, növbəti mərhələyə yüksələn komanda biz olacağıq".
"Səbail"ilə "Universitatya Krayova" arasında oyunlar iyulun 11-də və 18-də keçiriləcək.
