“Neftçi”nin Avropa Liqasının 1-ci təsnifat mərhələsində qarşılaşacağı Moldova “Speranta”sı ilə ilk oyununun başlama saatı açıqlanıb.
Sportinfo.az UEFA-nın rəsmi saytına istinadən xəbər verir ki, iyulun 11-də Moldovanın paytaxtı Kişinyovda, “Zimbru” stadionunda keçiriləcək matç Bakı vaxtı ilə saat 21:00-da başlayacaq.
Komandalar arasında cavab oyunu isə 1 həftə sonra Bakıda olacaq.
Bu cütün qalibi 2-ci təsnifat mərhələsində Rusiyanın "Arsenal" (Tula) klubu ilə qarşılaşacaq.
