"Bu il Avropa Liqasının finalı ilə bağlı Azərbaycana xarici ölkələrdən çoxlu sayda qonaqlar gəlib və bununla əlaqədar 23-30 may tarixlərində “Milli Kart” prosessinq sistemi vasitəsi ilə aparılan əməliyyatların həcmi 8 mln manatdan çox olub.
Bu isə 2018-ci ilin eyni dövrü ilə müqayisədə 4 mln manat, yaxud 2 dəfə çoxdu”.
Sportinfo.az xəbər verir ki, bu, “Milli Kart” MMC-dən bildirilib.
Məlumata görə, qeyd edilən dövr ərzində əməliyyatların sayında da 30%-lik artım qeydə alınıb: “Əgər ötən il əməliyyatların sayı 200 min idisə, bu il 30% civarında artaraq 300 minə yaxınlaşıb”.
POS-terminallar vasitəsi ilə aparılan əməliyyatların, təxminən, 95%-i milli valyutada olub.
Hazırda Azərbaycanda fəaliyyət göstərən 30 bankdan 5 bank və "Azərpoct" kart əməliyyatlarını “Milli Kart” prosessinq mərkəzi vasitə ilə həyata keçirir.
Azərbaycanda olan digər prosessinq mərkəzi – “Azeri Card” MMC isə məlumatlarını hələ ki, açıqlamayıb.
