Avropa Liqasının finalında “Çelsi” ilə “Arsenal” arasında keçirilən qarşılaşmanın qəhrəmanlarından biri də Pedro idi.
Sportinfo.az xəbər verir ki, “Çelsi”nin vingeri bu qarşılaşmada qol vurmaqla, komandasının qələbəsinə töhfə verdi.
O, bu finaldan sonra tarixə də düşdü.
Pedro bütün beynəlxalq titulları – Çempionlar Liqasını, Avropa Liqasını, UEFA Superkubokunu, Klublarrarsı dünya çempionluğunu, dünya və Avropa çempionluğunu qazanan ilk futbolçu oldu.
Bundan əlavə, Pedro Çempionlar Liqasının, Avropa Liqasının və UEFA Superkubokunun həlledici qarşılaşmasında qol vuran ilk futbolçu kimi də tarixə düşdü.
