Avropa Liqasında (AL) 2018-19 mövsümünə yekun vurulub.
Sportinfo.az xəbər verir ki, final qarşılaşması Bakı Olimpiya Stadionunda keçirilib.
Həlledici görüşdə azarkeşlər möhtəşəm London derbisinə şahidlik ediblər. İngiltərənin iki nəhəng komandası "Çelsi" ilə "Arsenal" paytaxtımızda münasibətlərinə aydınlıq gətirib.
Oyunda ilk hissədə hesab açılmayıb. İkinci 45 dəqiqə isə azarkeşlər üçün əsl qol şousu ilə yadda qalıb. 5 qolun vurulduğu ikinci hissədə daha çox sevinən tərəf "Çelsi" olub.
"Zadəganlar" 4:1 hesablı qələbə ilə kuboka yiyələniblər. "Mavilər"in heyətində Jiru və Pedro hərəyə bir dəfə fərqlənibsə, Azar dublla yadda qalıb.
