Bakıda keçiriləcək Avropa Liqasının final matçına Böyük Britaniyanın Azərbaycandakı səfiri Kerol Krofts da biganə qalmayıb.
Sportinfo.az xəbər verir ki, səfir finalda hansı komandaya azarkeşlik edəcəyi ilə bağlı sualı cavablandırıb.
Diplomat elə diplomatik tərzdə cavab verib: "Mən Mançesterə yaxın şəhərdənəm. Ənənəyə görə, şəhərimizin sakinləri ya "Mançester Yunayted"ə, ya da "Mançester Siti"yə azarkeşlik edir".
Amma düzünü deyim ki, mən bu bu komandaların oyunlarını yaxından izləyə bilmirəm. Ancaq oğlum "Mançester Yunayted" fanatıdır".
Avropa Liqasının final matçı mayın 29-da Bakı Olimpiya Stadionunda keçiriləcək. Görüş saat 23:00-da başlayacaq. Finalda iki İngiltərə komandası - "Arsenal" və "Çelsi" qarşılaşacaq.
