Mayın 29-da Bakı Olimpiya Stadionunda təşkil olunacaq Avropa Liqasının final qarşılaşması ilə əlaqədar UEFA nümayəndələri stadionun ot örtüyünə oyunöncəsi sonuncu baxış keçiriblər.
Sportinfo.az AFFA-nın rəsmi saytına istinadən xəbər verir ki, mütəxəssislər ot örtüyünə baxış keçirdikdən sonra hazırkı vəziyyəti ən yüksək qiymətlə - 5 ulduzla qiymətləndiriblər.
“Çelsi” və “Arsenal” arasında Bakı Olimpiya Stadionunda keçiriləcək Avropa Liqasının final oyunu yerli vaxtla saat 23:00-da başlayacaq.
