Afrika qitəsinin Avropa Liqasında 2018-19 mövsümündəki ən yaxşı təmilçiləri müəyyənləşib.
Sportinfo.az xəbər verir ki, bu mövsüm möhtəbər turnirdə özünü ən yaxşı tərəfdən göstərən 5 afrikalı seçilib.
Bunlar Karl Toko Ekambi ("Vilyarreal"), Maykl Nqade-Nqadjui ("Slaviya"), Sebastyan Haller ("Ayntraxt"), Vissam Ben Yedder ("Sevilya") və Pyer-Emerik Obameyanqdı ("Arsenal").
Xüsusən də, son iki futbolçu fərqləndirilib. Çünki həm Ben Yedder, həm də Obameyanq aktivinə 8 qol yazdırıb.
Obameyanqın hələ də turnirin bombardiri olmaq şansı qalır. Bunun üçün o, Bakı Olimpiya Stadionunda "Çelsi"yə qarşı keçiriləcək final görüşündə ən azı 2 qol vurmalı və rəqibin hücumçusu Olivye Jiru fərqlənməməlidi.
Həmkarlarımız indidən Qabon millisinin üzvünü cari mövsüm Avropa Liqasının ən yaxşı afrikalı futbolçusu seçiblər. Final görüşü mayın 29-da keçiriləcək.
