“Finala çıxdığımız üçün şadıq - bu, çox çətin yarımfinal idi”.
Sportinfo.az xəbər verir ki, bunu “Çelsi”nin kiperi Kepa Arrisabalaqa deyib.
Qapıçı Avropa Liqasının yarımfinal mərhələsinin “Ayntraxt”la (Almaniya) cavab oyunu barədə fikirlərini bildirib.
K.Arrisabalaqa mayın 29-da Bakıda keçiriləcək final matçında kuboku qazanmaq arzusunda olduqlarını vurğulayıb:
“Hər iki oyun ağır oldu. “Ayntraxt” çox yaxşı, çox güclü komandadır. İndi biz xoşbəxtik, Bakıdakı finala yüksəldiyimizə sevinirik.
Finalda London derbisi olacaq. Bu, çox qeyri-adidir. Həmin matçda hər şey ola bilər. Matça lazımi səviyyədə hazırlaşacağıq. Bakıya titul üçün gedəcəyik”.
“Çelsi” hər iki oyunu 1:1 hesabı ilə başa çatan dueldə penaltilər seriyası ilə qələbə qazanıb – 4:3.
