Bakıda keçiriləcək Avropa Liqasının final matçının büdcəsi təxminən 7 milyon dollardı.
Sportinfo.az xəbər verir ki, bu barədə AFFA-nın baş katibi Elxan Məmmədov məlumat verib.
O bildirib ki, bu məbləğ hazırlıq üçün kifayət edəcək:
"Avropa Liqasının finalına hazırlıq işləri üçün təxminən 7 milyon dollarlıq büdcəmiz var. Əminəm ki, bu məbləğ yetərli olacaq".
Avropa Liqasının final oyunu mayın 29-da Bakı Olimpiya Stadionunda keçiriləcək.
