"Spartak"ın (Moskva) ev oyunlarını keçirdiyi "Otkrıtiye Arena"da Avropa Liqasının finalı təşkil oluna bilər.
Sportinfo.az xəbər verir ki, bu barədə Moskva təmsilçsinin kommersiya direktoru Aleksandr Atamanenko TASS-a açıqlamasında bildirib.
O, Avropa Liqasının final oyununu keçirməkdə maraqlı olduqlarını deyib. Atamanenko həmçinin arenanın Çempionlar Liqası finalı üçün uyğun olmadığını söyləyib.
"Otkrıtiye Arena" 2014-cü ildən istifadədədir. Stadionun tutumu 45 min 360 nəfərdir. Avropa Liqasında cari mövsümün finalı mayın 29-da Bakı Olimpiya Stadionunda, növbəti il isə Portuqaliyanın Portu şəhərindəki "Draqau" stadionunda olacaq.
2021-ci il finalı uğrunda Gürcüstanın Tbilisi ("Boris Payçadze adına Dinamo Arena") və İspaniyanın Sevilya şəhərləri ("Ramon Sançes Pisxuan") mübarizə aparacaq.
Qərar isə mayın 29-da UEFA İcraiyyə Komitəsinin Bakıda təşkil olunacaq iclasında açıqlanacaq.
