Bakı Olimpiya Stadionunda keçiriləcək Avropa Liqasının final oyunu üçün dəyəri 890 avro olan “Qızıl paket”lərin hamısı satılıb.
Sportinfo.az xəbər verir ki, UEFA-nın rəsmi saytı vasitəsi ilə həyata keçirilən onlayn satışda yalnız 690 avroluq “Gümüş paket”lər qalıb.
“Gümüş paket”ə I keteqoriyaya aid oyun bileti, qarşılaşmadan əvvəl və sonra dünya standartlarında yeməklər, qonaq otağında pulsuz oturma konsepsiyası, qonaq otağında yarım saat ərzində sərinlədici içkilər daxildir.
“Qızıl paket”ə isə qonaq otağının yanında I kateqoriyaya aid oyun bileti, qarşılaşmadan əvvəl və sonra dünya standartlarında yeməklər, qonaq otağında pulsuz oturma konsepsiyası, qonaq otağında yarım saat ərzində sərinlədici içkilər daxildir.
Qiymətləri 30 – 140 avro olacaq birinci, ikinci, üçüncü və dördüncü kateqoriyalı standart biletlər martın 7-də onlayn satışa çıxarılacaq.
Avropa Liqasının finalı 2019-cu il mayın 29-da keçiriləcək.
