“Qarabağ” “Vorskla” ilə Ukraynada keçirəcəyi Avropa Liqasının qrup mərhələsinin IV tur matçından əvvəl məşqə çıxıb.
Sportinfo.az xəbər verir ki, məşqin ilk 15 dəqiqəsi mətbuat üçün açıq olub.
Aleksey Butovski adına stadionda təşkil olunmuş hazırlıq prosesini Azərbaycanın Ukraynadakı səfiri Azər Xudiyev və Poltava şəhərindəki fəxri konsul Elşən Vəliyev də izləyib.
“Qarabağ” rəhbərliyi onlara arxalarında adları yazılmış idman köynəyi hədiyyə edib. Noyabrın 8-də keçiriləcək oyun Bakı vaxtı ilə saat 24:00-da başlanacaq.
