"Qarabağ"ın legioneri Filip Ozobiç Avropa Liqasının qrup mərhələsininn III turu çərçivəsində "Vorskla"ya 0:1 hesabıyla uduzduqları qarşılaşma gaqda danışıb.
Sportinfo.az xəbər verir ki, xorvatiyalı yarımmüdafiəçi əvvəlcə matçı dəyərləndirib.
- Nəticəyə görə çox məyusuq. Bu matçda "Vorskla"dan daha yaxşı oynadıq. Onlar yeganə qol imkanı dəyərləndirdilər və qələbə qazandılar.
Deyirsən ki, yaxşı oynadıq. Onda qələbə üçün nə çatmadı?
- Bir az dəqiqlik.
Komanda kənardan həvəssiz görünürdü...
- Belə deməzdim. İstək hədsiz böyük idi. Sadəcə, alınmadı.
Görüşdən öncə bəzi futbolçulardan dopinq-test götürdülər. Bu, komandaya hansısa təsiirini göstərdi?
- Heç biri. Bu, olmalı idi.
Qrupdan çıxmaq şansımız itibmi?
- Qarşıda hələ 3 matçımız var. Yaxşı futbol və yaxşı nəticə göstərməyə çalışacağıq.
"Vorskla"ya səfərdə qalib gəlmək olarmı?
- Əlbəttə! Onlarla Ukraynadakı oyunadək hələ 3 qarşılamamız var. Ona görə də bu haqda hələ danışmaq tezdi.
