“Qarabağ” bu gün Avropa Liqasında növbəti oyununu keçirəcək.
Sportinfo.az xəbər verir ki, “köhlən atlar” qrup mərhələsinin 3-cü turunda “Vorskla”nı qəbul edəcək.
E qrupunda yer alan Ağdam və Poltava təmsilçiləri ilk iki oyunda məğlub olub. “Qarabağ” Portuqaliyada “Sportinq”, Bakıda isə “Arsenal”a uduzmaqla yanaşı, qol da vurmayıb.
Azərbaycan çempionu səfərdə 2, evdə 3 cavabsız qolla məğlub olub. “Vorskla” isə Londonda “topçular”a 2:4 hesabı ilə yenildikdən sonra doğma meydanda “Sportinq”lə görüşdə qələbə qazanmağa yaxın olsa da, son dəqiqələrdə buraxdığı qollarla məğlub olub - 1:2.
Bu oyun hər iki komandanın qrup mərhələsində ilk xalını və ya ilk qələbəsini qazanmaq baxımından çox əhəmiyyətlidi. Dünən hər iki komanda Bakı Olimpiya Stadionunda son məşqə çıxıb.
