"Vorskla"nın "Qarabağ"la keçirəcəyi Avropa Liqasının III tur matçı üçün Bakıya səfər proqramı müəyyənləşib.
Sportinfo.az xəbər verir ki, Poltava təmsilçisi Azərbaycan paytaxtına oyundan bir gün əvvəl - oktyabrın 24-də gələcək.
Komanda "Winter Park Hotel"də məskunlaşacaq. Baş məşqçi Vasili Saçko həmin gün saat 17:30-da Bakı Olimpiya Stadionunda (BOS) mətbuat konfransı keçirəcək.
Saat 18:00-da isə rəqibin ilk 15 dəqiqəsi mətbuat üçün açıq olan məşqi başlayacaq. "Qarabağ" - "Vorskla" görüşü oktyabrın 25-də BOS-da keçiriləcək. Matç saat 20:55-də başlayacaq.
