"Vorskla"nın "Qarabağ"la Avropa Liqasında keçirəcəyi ev oyununu xeyli aşağı məbləğə izləmək olar.
Sportinfo.az xəbər verir ki, satışa biri 50 qrivnaya (təqribən 3 manat) olan biletlər çıxarılıb.
Həmin biletlər 25 - 30-cü sektorlar (qapı arxası) üçündü. Halbuki "Vorskla"nın noyabrın 29-da İngiltərə "Arsenal"ı ilə keçirəcəyi qrupdakı son ev oyununun biletləri 200 - 350 qrivnayadı.
Daha əvvəl Portuqaliya "Sportinq"i ilə görüşü endirimlə 100 qrivnaya izləmək mümkün olub. Oktyabrın 20-də Kiyev "Dinamo"su ilə nəzərdə tutulan Ukrayna çempionatı qarşılaşmasına isə bileti 20 - 60 qrivnaya almaq mümkündür.
Noyabrın 8-də Poltavada Aleksey Butovski adına stadionda keçiriləcək "Vorskla" - "Qarabağ" matçı Bakı vaxtı ilə saat 24:00-da başlanacaq.
