Avropa Liqasının qrup mərhələsinin ikinci turunda keçirilən “Qarabağ”- “Arsenal” oyununa satılan biletlərin bitmiş olduğu deyilsə də, “qara bazar” yenə də fəaliyyət göstərib.
Sportinfo.az xəbər verir ki, stadionun yaxınlığında “qara bazar”da xeyli sayda bilet rəsmi satışdakı qiymətdən daha baha dəyərə satışa çıxarılıb.
Təkcə kassalardan alınan biletlər deyil, Ağdam təmsilçisinin fanklublarına məxsus biletlər də satılıb. Belə ki, “İmarət” fanklubuna məxsus biletlər hazırda “qara bazar”da 10 manatdan təklif olunub.
