Bu gün Avropa Liqasının qrup mərhələsinin II turunun oyunları keçiriləcək.
Sportinfo.az xəbər verir ki, Azərbaycan çempionu “Qarabağ” Bakı Olimpiya Stadionunda “Arsenal”ı qəbul edəcək.
Baş hakim italiyalı Davide Massanın idarə edəcəyi matçın start fiti saat 20:55-də səslənəcək. E qrupunda yer alan Qurban Qurbanovun yetirmələri ilk oyunda “Sportinq”ə 2:0 hesabı ilə uduzub. London təmsilçisi isə doğma meydanda Ukraynanın “Vorskla” komandasına 4:2 hesabı ilə qalib gəlib.
Baku TV-nin əməkdaşları paytaxt sakinləri arasında mövzu ilə bağlı maraqlı sorğu keçirib. Respondentlər “Qarabağ”ın və “Arsenal”ın şanslarını qiymətləndiriblər, eləcə də, hesabla bağlı fikirlərini bölüşüblər.
