"Çətin qələbə oldu. Çünki rəqibimiz yaxşı futbol oynadı".
Sportinfo.az xəbər verir ki, bu sözləri Avropa Liqasının qrup mərhələsində "Qarabağ"ı 2-0 hesabı ilə məğlub edən "Sportinq"in futbolçusu Luiş Nani deyib.
İlk qolun ötürməsini deyən verən 31 yaşlı ulduz futbolçu bunun üçün xoşəxt olduğunu qeyd edib:
"Komandanın 3 xal qazanmasında kömək olduğum üçün xoşbəxtəm. Biz doğru yoldayıq, belə davam etməliyik".
Nani qrupda "Arsenal"ı favorit sayır: "Şüurumuzda belə formalaşıb ki, "Arsenal" qrupun favoritidir. Bu, həqiqətən də belədir.
Onlar Çempionlar Liqası səviyyəsində olan komandadı. Amma bizim asan təslim olmaq fikrimiz yoxdu.
"Arsenal"la oyunlarda 6 xalı hədəfləyirik. Bu oyunlarda hər şey baş verə bilər. Müasir futbolda favorit anlayışı qalmayıb".
