“Qarabağ”ın Avropa Liqasının qrup mərhələsindəki rəqiblərindən olan “Vorskla” futbolçu itkisi ilə üzləşib.
Sportinfo.az xəbər verir ki, gürcüstanlı yarımmüdafiəçi Aleksandr Kobaxidze "Zarya" ilə Ukrayna Premyer Liqasının IX tur matçında zədələnib.
Görüşün 43-cü dəqiqəsində 31 yaşlı oyunçunun çiyni çıxıb. Onun yaşıl meydanlardan azı 2 həftə uzaq qalacağı gözlənilir.
"Qarabağ" "Vorskla" ilə ilk görüşünü oktyabrın 25-də Bakıda, cavab oyununu isə noyabrın 8-də Poltavada keçirəcək. “Vorskla” ”Zarya”nı 2:1 hesabı ilə məğlub edib.
